Mahmoud Kamal
من ٣٠ يونيو ٢٠١٣ و لليوم كل ما ٣٠ يونيو بتقرب بنلاقي قبلها ضغط مكثف من كل الأجهزة المعادية و قناوات الاخوان و غيرهم من اصحاب المصالح اللي شغالين ليل نهار علي شحن كل المصريين
المصريين اللي هما في الاساس مضغوطين و جايبين اخرهم.
قنوات الاخوان اللي كانت بتحرض علي قتل اخواتنا من الجيش و الشرطة
دلوقتي هي هي نفس القنوات اللي بتتكلم علي اخطاء الحكومة و الغلاء و المشاكل الداخلية و الفساد و قطع الكهرباء و الشجر و ده طبعاً نتيجه للفراغ الاعلامي اللي عندنا و للاسف نجحوا انهم استقطبوا ناس كتير من الشعب.
و طبعاً هتلاقي واحد إخواني او موالي للإخوان او حتي كاره للنظام او حتي له مصالح اخري شغال معاهم علي كل المحيطين ليه من غير ما يفكر ،،
بنشر الكلام بشكل مستمر و كأن البلد مفيهاش اي حاجه كويسة او اي خير او اي حاجه جديدة بتتحسن و بتطور و لا كأنه عايش آمن مؤمن.
و النتيجه ان المواطن اللي فعلاً تعبان و مضغوط و قرفان بيسخن اكتر بسبب رسايل صاحبه و يفضل يطلع طاقته في شكل شتيمة و تريقه علي البلد و علي اشخاص فيها .
و في غيره بيشوف الرسايل اياها و يفضل ساكت و صابر و بيدعي ربنا عشان هو علي يقين أن ربنا حافظ مصر و ان الخير قادم و مركز و شايف الوضع الخطر المحيط بينا من كل النواحي و الوضع العالمي اللي بيتجهز لحرب نووية.
و في غيره اللي بيساند البلد عشان عايز البلد تستمر آمنه مأمنه و تتغير للأحسن و تنهض بدل ما تخرب زي كل الدول اللي اتدمرت علي كل حدودنا.
طب الحل ايه ؟؟؟؟
الحل ان الحكومة تطبطب علي الشعب بإنها تاخد قرارات فورية لخفيف الضغط من علي المواطن في امور معروفة عشان نهدي الوضع الداخلي.
و كمان المواطن اللي بيحب بلده و خايف عليها فعلاً و عايزها تنهض من حقه ينتقد و يطالب باللي نفسه فيه
انا شخصياً بنتقد و بطالب
المهم اللي عايز ينتقد ينتقد بشكل موضوعي و بناء و بإحترام و من غير ما يقلل من البلد او من أي انسان او انه يعرض البلد لمخاطر داخلية.
لان كل اللعب اللي بيحصل دلوقتي اما من اجهزه او قناوات اخوان او حتي الاخوان نفسهم او اللي ليهم مصالح من تريقة و تقليل و كسر في البلد مش بيتعمل لغرض التعديل و النهوض من البلد.
لا والله
هما بيلعبو نفس اللعبه اللي اتعملت ايام الاخوان زي ما كان بيعمل باسم يوسف في يرنلمج البرنامج
يبقا اللعب اللي بيحصل دلوقتي هو لغرض انزال الناس للشارع عشان الدولة تقع من الداخل لانهم معرفوش يستدرجونا لاي حرب لا في ليبيا و لا في اثيوبيا و لا في السودان و لا في جنوب البحر الاحمر و لا في غزه.
و لما الناس تنزل ساعتها هتلاقي كل سفن الحلف اللي في جنوب البحر الاحمر و المتوسط عندنا و اسرائيل اللي بتضرب في لبنان سابت لبنان و لفتلنا و الاتراك من الشمال و من الجنوب و هلما جر….
بالنهاية كل البشر الي زوال و مش يبقي غير الوطن
و السؤال هنا لكل الشعب؟؟؟
هتدعم مؤسساتك و جيشك و شرطتك و اجهزتك عشان تحافظ علي امن مصر الداخلي و الخاريجي و امن اسرتك و اهل بيتك ؟؟؟
و لا هتفضل تبعت فيديوهات و تتريق علي بلدك عشان تسخن الناس اللي حواليك لغرض انزالهم الشارع و تدمر بلدك و ندخلنا في امور مش عارفين اخرها و هو ده اللي اعداء البلد عيزينه؟؟؟
القرار لكم ….
لكن انا هدعم بلدي .
لان من غيرها هنبقا ضيوف في دول تانية زي الضيوف اللي عندنا.
و علي يقين ان كل القادم خير و خير كبير علينا جميعاً بإذن الله و منتظرين نشوف و نسمع قرارات و تعديلات تسعد الشعب المصري العظيم.
حفظ الله مصر
حفظ الله الوطن.
