إسماعيل الإنصاري
متابعة الشريف اسماعيل الانصارى
تايه بلا عنوان !
بقلم : جيهان الجارحي
يا ناس يا هوه دلوني أنا توهت في سكتي
مش عارفة فين طريقي هموت بحسرتي
أصرخ في الشوارع محدش ليّ سامع
الناس غير الناس .. قلوب بلا إحساس
الوش غير الوش .. تعبت من ده الغش
ما تقولي يا صديقي .. تعرفش فين طريقي ؟!
تايه في أوطاني أدوَّر على عنواني !
بصيت من بعيد لقيت قضبان حديد
قرَّبت عشان أشوف وقلبي كله خوف
الدنيا كانت ضلمة .. بس الناس مش نايمة
سمعت صرير أبواب وصوت أنين وعذاب
سمعت صراخ وعويل وبكاء مُرّ طويل
وناس زي الوحوش بتضرب بالسياط
مقدرتش أحوش دمعي وعينيّ من العياط
حاولت كتير أحوش مقدرتش ع الوحوش
سألت أنا فين ؟! .. قالولي أنتي مين ؟!
تايه بلا عنوان .. بيدوَّر ع الأمان
عنوانك مش عندنا .. امشي أوام من هنا
إنتي هنا في صيدنايا .. صرخت آه يانا
فين المنظمات ؟ .. قالولي دي شعارات
حبر على ورق وكمان كله اتحرق
سألت دي الوحوش.. مين اللي آد النار وهدِّم الديار
قالولي وطي صوتك .. دي أوامر الجبار
صرخت بأعلى صوتي .. تعبت من سكوتي
ألاقي فين عنواني .. أروح كوكب تاني ؟!
Mahmoud Kamal
من الجميل أن يبدأ الإنسان بنفسه ، ولا ينتظر أحدا .. كلنا هذا الوطن .. إن انتظرت غيرك فلن نفعل شيئا .. ابدأ بنفسك .. كن قدوة لغيرك .. حينها ستشعر أنك إنسان تستحق الحياة .