إسماعيل الإنصاري
خليها مسافات …..ما بقتش مقامات
نهي اباظه
بمسافه يوم ..بمسافه شهر …بمسافه ساعه من الساعات ..
بمسافه قعده رجاله …بمسافه رغي مابين ستات …
بمسافه ف القلب بين الدقات ..بمسافه حي بين الاموات ..
مايهمكش ..مايشدكش …لو اخدت منها حاجه …مابتلحقش تقول هات…….مابقتش مقامات ..
مابقتش مقامات .واتاري المقام مش ف المزيكا ..ولا نهاوند ولا صبا ولا سيكا ..
ولا ده عالي ولا ده واطي ..ولا ده صبي ..وده استاذ ميكانيكا …..
.ولا بالوزن وناقصه كثافه…ده الكبير فيها مش بيخوف …اللي يخوف حاجه مش متشافه..
مش متشافه غير ف الحكايات …وخليها مسافات …
بمسافه تاخد نفسك فيها …حتنصاب ولا تعديها ..
طب هو انا فيروس ولا أفه ولا وباء ….ولا خروف مجرور مع صحابه بيقول ماء….ولا تكونش العين حسدتني .. ..وصابني الداء…
.ده انا كنت لوحدي طابور ..دايسها وعايشها الدور…مفكر كله ملكي ..يعملي حساب شنبات…..دلوقتي مقضيها خدمه من غيرحتي سلامات …خليها مسافات ….
..والمسافه ياعيني طويله ..ماتجبش اخرها الرجلين ..صايع ضايع محتار فيها ..كل يوم تطلعلك عين …..
بمسافه يرجعلي زماني ..واعمله بلوك ف ثواني …امسح جزء من الل فات …مش حتكبرولا حتغر ..وحنسي معاه شويه خلافات.
مش ححسبها زي الاول ..دي ف لحظه الدونيا بتتحول ..نرجع نتعلم من الاول ..ونستقوي عليها من تاني…
وخليها مسافات …
واتاري الدرجه الاولي مابقتش قرايب …واللي بندفعه ماطلعش ضرايب …
والازمه مش دايما فلوس ..ولا كره ونفسنه ونفوس …
الازمه ف مخ معكوس ….يتشك ب100 دبوس..
واتاري الدنيا دواره …بتجيب غيره ف الارض مفعوص …
.بتشيل فيها غلطه غيرك ..وحلم اتحول لكابوس…بتخاف تعرف اخبار تاني ..عشان مصيرك كده معروف..
وخليها مسافات …
طب اتعايش ولا مفيش …ما انا برضه عايز اعيش ..
خليك جامد …بس حاسب تيجي تشوط …..تقلد غيرك…تمشي فيها بجهاز وريموت …
.ماهو مش لازم علطول شوكولاته…..ممكن تاكل يوم بسكوت ..
صراحه ماكنتش ماشي فيها مظبوط…
كانت ماشيه بخط وعملت كروت ..وياعيني حتدفع برضه فاتوره …و في الاخر يا تعيش ياتموت ..
وخليها مسافات ….مابقتش مقامات
Mahmoud Kamal
