موقف رائع وصوره مشرفه يرويها لنا مواطن بطلها ضابط شرطه

قصتنا اليوم يرويها لنا المواطن لدهم
فيقول انا اسمى ادهم ، واعمل مرشد سياحي بشرم الشيخ ، اثناء سفرى لبلدى الفيوم يوم الاحد الماضى ، بصراحه حصل موقف انسانى قدامى من ظابط شرطه فى كمين كوم اوشيم بصراحه حاجه تشرف الداخلية كلها ونتمنا ان الداخلية كلها تبقا نموذج من الظابط ده
كنت راكب ميكروباص وجاى من القاهره وكان معانا فى العربية ست ومعاها ابنها مريض كانسر ومكناش كلنا نعرف انه مريض كانسر
وحالتها تصعب على الكافر المهم شدت هيه والسواق بسبب الاجره لان الاجره كانت ناقصه بس طبعا محدش مننا كان عارف حالتها وظروفها المهم السواق شد معاها وهيه فضلت تقوله انا مش هدفع غير عشره جنيه ليا وعشره جنيه لابنى وكان زعيق جامد بينهم المهم السواق دخل بينا الكمين بتاع كوم اوشيم عشان يشتكيها للظابط اللى فى الكمين المهم قالت للظابط ظروفى واحد اتنين تلاته فالظابط بيقوله ياجدع شوف ظروفها انت مفيش فى قلبك رحمه وزعق للسواق والسواق قعد يقوله ياباشا كانت عرفتنى الموضوع ده من هناك قبل ما نتحرك طيب المهم
تتخيلو الظابط عمل مع الست دى ايه لما عرف حكايتها اللى كلنا مكناش نعرفها بما فينا السواق بتاعنا
الظابط
دفعلها اجرة العربيه من معاه هيه وابنها وعطاها كمان اللى فيه النصيب بصراحه كلنا اعجبنا بالموقف اللى عمله الظابط ده ونتمنا يكون فيه من امثاله كتير وطبعا كركاب كلنا محدش مننا يعرف الظابط ده مين واسمه ايه فسالنا السواق عنه قالنا ده اسمه النقيب درباله
بجد تحيه لحضرتك درباله بيه وربنا يكتر من امثالك يارب
وبجد انت نموذج مشرف لوزارة الداخلية وخصوصا مدرية امن الفيوم وتحت ادارة مدير امن انسان بمعنى الكلمه