إسماعيل الإنصاري
بقلم : عبير التميمي
خالي بالك وركز
مش معني أن الشخص إلي قدامك يبتسم في وشك .ويقولك كلمه حلوة ويظهرلك أن بيخاف عليك ويتمنالك الخير يبقي تستسلم وتديلو الأمان .خد بالك🤔
طيب أعرف ازي طبيعيه الشخص الي بتعامل معها؟؟
`المواقف وخصوصا الصعبه هي ديما المقياس الي بتظهر طبيعيه الاشخاص الي حوالينا. ومرور الزمن بيثبت. لينا ديما حقائق كتير غايبه عننا
كلنا بتمر علينا ظروف بنبقي محتاجين فيها دعم وسند وهي ديما الدليل الأكبر علي صدق الشخصية الي بنتعامل معها .
علي سبيل المثال لا الحصر لو جت ليك مكالمه ولقيت نفسك في مشكله ومحتاج مساعدة من الشخص ده وفهم ده من ردك علي المكالمه .أول حاجة هيعملها انو يحاول يهرب قبل ما تحكيله أو يتحجج باي شيء علشان متتطلبش منه حاجة
أو مثلا تتعب فجاءة وانت قصاده فيعمل نفسه مش واخد باله وأن لازم حالا يروح مشوار ضروري أو فجاء افتكر حاجة ناسيها ويتجاهل تماما أي كلام بتقوله وإحتياجك ليه
لو أرسلت ليه رساله إنك محتاج حد يسمعك لأنك بتمر بوضع صعب او نفسيتك في حاله انهيار.أما يرد ببرود أو يختصر في الرد وميكملش الرساله ويحاول يفهمك انو مش فاهم أو ومش عاوز يفهم أو يتجاهل رسالتك لحد ما يحس أن وضعك بقي أحسن .
ديما شايف أن أي حاجة مفهااش مصلحه ليه تعتبر خسارة
يكرر كتير أوي في كلامه أو رسايله أنو محتاج يشوفك أو انك وحشته أوي لكن عمره ما طلب يشوفك غير لمصلحته هو،
عمره محاول يفضي دقائق من وقته الغالي علشان يطمن عليك،،ولا بتصال أو حتي رساله ومهما تعمل من تضحيات وتتعب علشانه مبيقدرش ده ولا حتي يجاملك بكلمه .
ديما محسسك أنه مشغول وظروفه يا حرام مخليه بينسي ،رغم لو ليه عندك طلب أو مصلحه سبحان الله ،الذاكرة بتبقي أحسن من أينيشتين ،وأرشميدس .
عاجز ومتبلد المشاعر لا يبوح باي نوع من التعاطف مع الآخرين .لا يقوي علي التعبير عن أي إحساس .لانه فاقد لروح الانسجام مع اي انسان .
يصنف الحب الي أي شخص بأنه من أنواع الضعف
ميهموش يعرف تفاصيل حياتك لأنها ملاهش أهميه بالنسبة ليه ،بس لو هتفيده وفيها مصلحه ليه ممكن كمان يسألك بتحب الأكل سخن ولا بارد 🤔.
لو كلمته أو كلمك وصوتك حتي مش طالع مبيخدش باله ولو غلط وسألك صوتك ماله مبيسمعش انت بتقول إيه ،أو يساعدك أزي هو مركز في حاجة واحدة المصلحه الي ورا المكالمه بالنسبه له .،
ممكن يمر وقت طويل وأنت مش مدرك كل ده علشان الظروف والمواقف الي بتظهر الشخصيه دي قليله ،. أو علشان تركيزك ووعيك بعيد عن تقيم الناس الي حواليك
مش بس كده لأ ده ممكن كمان يحارب ضدك ويحاول يحطمك علشان مصلحته أهم منك ودي حقيقته الي متعرفاهش،. بس بتظهر أوي بوضوح في الظروف الي ممكن تمر بينا
لأن ديما صاحب اللسان المعسول والضحكه الي وراها مصلحه، باستخدام المصطلح الدارج( بتاع مصلحته )،
بيهرب منك أول ما تحتاجه .
.مين تاني تخلي بالك اوي منه🤔 الي ديما جنبك علشان يعرف نقط ضعفك وفي الوقت المناسب يستغلها لمصلحته ويطلع علي كتافك ويدوس عليك .
طيب ده نعرفه إزي ،؟؟
ده موضوع كلامنا في البوست الي جاي
